Þessar myndir voru teknar í Roncesvalles á Spáni í gær, hvar ég mun vera eftir 2 mánuði, að hefja gönguna ógurlegu yfir Spán. Ég á afar bágt með að bíða en þar sem mig langar ekkert að binda skóflu á bakpokann er mér hollara að vera þolinmóð. Það er bara svo erfitt.

Ó, ó, ó. Þetta á eftir að verður athygliverður dagur. Ég er að fara í fermingarveislu og hitta ættingja sem ég þekki afar lítið, og ég skreið heim um hálfsex í morgun. Eina ástæðan fyrir því að ég er komin á lappir fyrir hádegi er að ég verð að þvo kjólinn sem ég var í í gær til að geta verið í honum aftur í dag.

En allavega skemmti ég mér mjög vel í gær og hlakka til næsta spænskunemadjamms. Ég verð örugglega stálslegin eftir smá lúr í viðbót. Örugglega.

Lalala...

Nú er ég m.a.s. búin að kaupa flug til Spánar í vor!

Svona er planið:
15. maí - seinasta prófið. Spennufall.
16. og 17. maí - pakka búslóðinni og setja í geymslu. Koma blómunum í fóstur.
18. maí - þrífa íbúðina og skila af mér lyklunum.
19. maí - spennufall. Klára að raða í bakpokann.
20. maí - fljúga til Stansted og þaðan til Santander, hvar ég er m.a.s. búin að bóka gistingu.
21. maí - vakna snemma, skoða Santanter pínu um morguninn. Taka rútu til Pamplona. Taka aðra rútu til Roncesvalles. Útvega mér pílagrímapassa. Spennufall.
22. maí - byrja gönguna til Santiago til Compostela, loksins! Ganga í 30-40 daga og njóta lífsins.

Í leit minni að ritgerðarefni í dag leiddist ég af einni vefsíðu á aðra, eins og gerist gjarna, og ég hélt mig kannski alveg við efnið - eins og gerist gjarna. Ég ákvað hvað ég ætla að skrifa um, en ég rakst líka á þetta: wikipediufærslu um Gullborgirnar 7, teiknimyndir sem ég horfði dolfalin á þegar ég var krakki. Og auðvitað er þær að finna á youtube líka, hér er intróið. Njótið vel.