Mæli með:

kókoskaffinu frá Kaffitári. Unaður í loftþéttum umbúðum.

Mæli ekki með:

Létt G-mjólk í kaffið. Hugmyndin er ekki slæm en bragðið er það. Ég mun sko halda mig við þessa fjólubláu.

Það er afar fallegur haustdagur, einn af þessum sem er svo upplagður til langra gönguferða. Svo er líka sunnudagur og þá er svo gott að koma heim með rjóðar kinnar af útiverunni og vera sáttur við lífið.

Ég sit samt bara í helli mínum og læri. Ekki það að ég ætti að vorkenna mér þar sem mér finnst bæði gaman að læra og það er mitt val að gera svo, en ég hef hummað það fram af mér undanfarið og fer að komast í klípu ef ég tek ekki til handanna. Ég vorkenni mér samt doldið...

Sambýlismaðurinn (ekki þessi sem ég deili rúmi með heldur hinn) skrapp í hverfisbúðina og mig dauðlangaði að biðja hann að kaupa fyrir mig sælgæti/gott kaffi/sætabrauð/óhollt nasl en stóðst freistinguna. Þá er bara að standast freistinguna um að slá lærdómnum á frest. Ef ég rusla næsta verkefni af kemst ég kvikmyndahátíðina í kvöld og það væri nú gaman. Spænsk málvísindi, nú fáiði sko að kenna á því!

Head of Skate

Ég hef nú ekki mikið álit á Sarah Palin en ætla svo sem ekkert að fjölyrða um það hér. Skoðið frekar "Disney" útgáfuna af því sem gæti gerst...

"An Alaskan hockey mom becomes Vice President in the wackiest family comedy of the year! Sound familiar?"

Kvikmyndahátíð og gleði

RIFF er byrjuð. Ég er strax byrjuð að njóta hátíðarinnar og geng um með hælætaða dagskrá í töskunni enda búin að pæla út hvenær ég kemst á hvaða mynd. Næstu 2 vikurnar verður sem sagt hægt að finna mig á þremur stöðum: í vinnunni, skólanum og í bíó. Þeim sem langar með í bíó er velkomið að hafa samband vilji þeir félagsskap, því þrátt fyrir planið er ég sveigjanleg ef um áhugaverðan selskap er að ræða.

The Story of Stuff

Áttu 20 mínútur afgangs? Horfðu þá á þetta.

Mig langar að ger'ett' aftur. Núna.

Næst þegar ég flyt ætla ég skoho að búa mér til svona ljósakrónur yfir borðstofuborðið!

Ný viðbót við BarackObamasIsYourNewBicycle og HilaryIsMomJeans trendið: WhatGoogleKnows

Vá!

Ef ég kynni að prjóna (og hefði fulllt af tíma í kjánalega hluti) þá myndi ég prjóna svona:


Fleiri *ehemm* athygliverðar hugmyndir er að finna á whywouldyouknitthat.blogspot.com

Og svo myndi ég læra að hekla, og búa til svona drápssagartrefil, mér finnst hann gegt kúl (og fyrir handlagna þá fæst uppskriftin hér):

faceyourmanga.com

Kannski ekki alveg ég, en nálægt...

Ég hef verið svolítið að skoða örsögur undanfarið, aðallega eftir Augusto Monterroso. Þetta er nýja uppáhaldsörsagan mín (eftir að hafa pælt í þessum sjanra eru þær margar), en hún kom út árið 1972 í bókinni Movimiento perpetuo:

El mundo

Dios todavía no ha creado el mundo; sólo está imaginándolo, como entre sueños. Por eso el mundo es perfecto, pero confuso.

Og í enskri þýðingu Edith Grossmann hljómar hún svona:

The World

God has not yet created the world; he is only imagining it, as if he were half asleep. That is why the world is perfect, but confused.

Þegar samlokustuldur er vandamál...

... er hægt að fá sér svona poka og vandinn er úr sögunni!

Uppgötvun

Sunnudagshafragrauturinn er miklu betri þegar eldaður af alúð af einhverjum öðrum. Og á sunnudögum.